بالصلاة علي النبي - الواقع نيوز
***************
بالصلاة علي النبي
أبدا كلامي بالنصيحة
نهاركم قشطة و فوللي
أصبر وأتحمل المعيشة
************
مافيش خروج بس ليه
البركة ياخلق في رجلينا
والياميش مقدور عليه
نشوفه بس كفاية علينا
*************
والخروج مرة في الأسبوع
والتوفير بقي فرض علينا
وصلة الأرحام شئ ممنوع
ريح قلبك إللي فينا مكفينا
**************
وبكده يسامحنا المولي
م اللي بيحصل فينا
مش كده أفضل وأولي
ولا تقولوا علينا عاصينا
****************
والأكل بلاش فيه التبذير
كفاية عليك حبة من الملح
أرخص شئ في التوفير
وأنسي وغني الدح امبح
****************
أوعي تفكر في اللي جاي
وخلي توكالك علي ربك
ولو فكرت يفيد بايه ياخي
مش هتاخد الا المكتوبلك
****************
بسيوني صديق
ليست هناك تعليقات:
إرسال تعليق