همسات من وحي الأمل - الواقع نيوز
سماح بكري
من غيـر ما تيجـي مناسبــة وحشانـي
يا سيـرة دافيــه و دايبــــه ف لسـانـي
النـاس بحالهـــا كــوم يا نــور العيـن
وانتـى اللـي جـــوه القلـب كـوم تانـي
.
مـن بعــــد منــــك قلبــــي بيعــانـــي
حاسـس كــأن الدنيــــــــا بايعـــانــي
النـاس كتيــر حواليـــا بـس غريــب
مـن بعــد حضنـــك يا مــه وحـدانـي
.
يـا كنـــز غالـــي و طيبــــة ربّـانــي
هـلاقــــي فيـــن زيـّـــك علشـــانـــي
كل الحـاجـات ليـكى بكــت أشـــواق
آه م الفـــــراق يا حبيبــــه سكنانـــي
.
مش كنتي يا مـه ف يــوم موعدانـي
مهمـا تغيبــي .. ف حلمـي هتبانــي
أمانــه تيجـي .. وتحضنيلـي الحلــم
وحشتنـي ريحتـك وانتـي حضنانـي
ليست هناك تعليقات:
إرسال تعليق