راجع تاني
........................
أييه اللي باقي ما شيلتهوش
فوق ضهري شيل
ده الحمل زاد ما رحمش سني
وهد حيل ...
وفى أيدي صوره ذكريات
لشريك سنين ..
أمسي اللي راح
ولا ردليش
وسابني وحدي إزاي هعيش
بيتي اللي كان أصبح مافيش
بقى كوم تراااااب
ياااااما سترني في وحديتي
جدرانه شاهده لضحكتي
وسعاده قاسمه نسمتي
ضله و أمان ..
دلوقتي تاهت دنيتي
ولا همنيش فين ضحكتي
ما الدمع علم عالخدود
والروح وماتت من الوجود
ماتت في أرضي وعالحدود
بره الحياه ..
مش لاقيا حيط أدارا فيه
واسند جراح عمري عليه
هفضل كتير أمشي غربق
مظلوم و ظالم و البرئ
الكل يتساوى فى طريق
بره الحياه ..
على عيني أسيب أرضي تراب
لحدادي عميا و100 غراب
باقيه جذوري إن جسمي غاب
فيه يوم هعوووووود
راجع يا بلدي أوعدك
إن عمري طال
وأكتب بأيدي كنيتك
أرض العماااااار
بقلم .. صبري رسلان
ليست هناك تعليقات:
إرسال تعليق